Ce stufe

Ce stufe. O ce stufadice, s'o vês miôr.

In chestis ultimis setemanis, ancjimò polemichis sul furlan, lenghe e leteradure, premi S. Simon e v.i. .

Ce ch'o pensi in gjenerâl de cuestion, lu ai scrit culì za fa il 16 di otubar dal 2007.

Ad ogni bon cont, daspò vê let e scoltât i ultims intervents, soredut dai blogarìns (cussì si son batiâts i bloggers par furlan...), o scuen dî ch'o soi restât avonde scaturît, si ben no masse - ch'o soi purtrop vecjut e, ma la fe no, scjalterît! -, de parzialitât, de ande smafare e des pratesis di tancj ch'a si crodin in dirit di dâi simpri e dapardut flât a la lenghe: la lôr, che ben s'intint, no chê furlane ;-)... !

Fantats, us sconzuri, leiêt, studiait: nissun al è mai muart a sun di lei e di studiâ. 
Magari Leopardi..., ma no olçarês migo frontâ il paragon!! 

Si fâs par mût di dì (cun Riedo, che Diu lu vedi, e pardabon, in glorie!)...

sw